FAQs

Tugann Cúnant na Méaraí don Aeráid agus d’Fhuinneamh – An Eoraip údaráis áitiúla le chéile go deonach chun tacú le cur chun feidhme chuspóirí aeráide agus fuinnimh AE.

Ó seoladh é in 2008, tá os cionn 10.000 údarás áitiúil san Eoraip slógtha ag an tionscnamh, ag clúdach thart ar aon trian de dhaonra AE.

Tá Cúnant na Méaraí – An Eoraip mar chuid anois de Chúnant Domhanda na Méaraí.

Faigheann údaráis áitiúla a chláraíonn le Cúnant na Méaraí tacaíocht ó Chomhordaitheoirí an Chúnaint (aireachtaí, gníomhaireachtaí náisiúnta fuinnimh, réigiúin, cúigí agus contaetha), Tacadóirí an Chúnaint  (gníomhaireachtaí fuinnimh, cumainn údaráis áitiúla, eagraíochtaí neamhrialtasacha, etc.), Oifig Chúnant na Méaraí – An  Eoraip agus an Coimisiún Eorpach

• Oifig Chúnant na Méaraí – An Eoraip

Cuireann Oifig Chúnant na Méaraí – An Eoraip go leor deiseanna ar fáil do líonrú, comhar agus malartú eolais, mar shampla oiliúint oiriúnaithe agus cláir foghlama piaraí; chomh maith le gníomhaíochtaí tógála acmhainne ar théamaí éagsúla (m.sh.. maolú, oiriúnú, bochtaineacht fuinnimh, rialachas illeibhéil, maoiniú agus ionstraimí maoinithe) – iad uile liostaithe ar an bhféilire imeachtaí ar líne féilire imeachtaí – agus tuilleadh. Tairgeann an oifig cúnamh saincheaptha trína Dheasc Chabhrach.

• An tAirmheán Comhpháirteach Taighde

Baineann sínitheoirí an chúnaint leas as an leibhéal is airde de thacaíocht theicniúil ón Airmheán Comhpháirteach Taighde, a sholáthraíonn meastóireacht ar a bpleananna gníomhaíochta agus moltaí oiriúnaithe le haghaidh feabhsúchán. Cuireann an tAirmheán Deasc Chabhrach ar fáil atá tiomnaithe d’fhiosrúcháin theicniúla agus déanann sé cáipéisí treorach teicniúla a mhíniú do shínitheoirí an Chúnaint. Tá an fhaisnéis a bhailíonn an tAirmheán trí phleananna gníomhaíochta na sínitheoirí úsáideach freisin chun an sainmhíniú ar bheartais Eorpacha ar aeráid agus ar fhuinneamh a threorú agus chun tacú leis.

• An Coimisiún Eorpach

Gheall an Coimisiún Eorpach acmhainní airgeadais a shlógadh trí chláir chomh maith le tacaíocht pholaitiúil ar leibhéal na hEorpa, agus chruthaigh sé deiseanna airgeadais do Phobal an Chúnaint.

• Comhordaitheoirí, Tacadóirí agus comhpháirtithe eile an Chúnaint

Faigheann sínitheoirí an chúnaint tacaíocht ó údaráis agus eagraíochtaí éagsúla atá in ann treoir straitéiseach, cúnamh teicniúil agus / nó airgeadais a sholáthar chun an t-aistriú go fuineamh glan agus oiriúnú don athrú aeráide a luathú.

Ard-aitheantas agus ard- infheictheacht idirnáisiúnta

Tá ard-infheictheacht ag sínitheoirí an Chúnaint ar an leibhéal idirnáisiúnta le próifíl thiomnaithe ar shuíomh gréasáin Chúnant na Méaraí – An Eoraip agus ar shuíomh gréasáin Chúnant Domhanda na Méaraí.

Ina theannta sin, tugtar an deis do shínitheoirí an Chúnaint a gcuid dea-chleachtas a thaispeáint i roinn dea-chleachtas CoM-Europe agus le linn imeachtaí CoM-Europe.

Creidiúnacht níos láidre do do ghealltanais, agus féinmheasúnú níos fusa

Is féidir le sínitheoirí an chúnaint leas a bhaint as comhchreat monatóireachta agus tuairiscithe. Ceadaíonn an creat seo do shínitheoirí sonraí a bhailiú agus a anailísiú ar bhealach struchtúrtha agus córasach, agus feidhmíonn sé mar bhunús le haghaidh dea-bhainistíocht aeráide agus fuinnimh chomh maith le dul chun cinn i gcur chun feidhme a rianú.Is féidir le sínitheoirí súil a choinneáil ar a ndul chun cinn trí ardán tiomnaithe (MyCovenant), atá saor in aisce agus insroichte uar ar bith. Tugann an t-ardán an deis fardail astaíochtaí, measúnachtaí riosca agus leochaileachta agus gníomhaíochtaí faoi seach a thiomsú ionas gur furasta súíl a choimeád ar dhul chun cinn agus é a léiriú don phobal agus do mhaoinitheoirí féideartha, mar shampa. Is uirlis foghlama é an t-ardán freisin le raon leathan acmhainní lena n-áirítear modúil ríomhfhoghlama theicniúla (ar fáil i 5 theanga) agus leabharlann ina bhfuil na hacmhainní is déanaí atá ar fáil.

Treoir shaincheaptha

Faigheann sínitheoirí tacaíocht ó Deasc Chabhrach Chúnant na Méaraí – An Eoraip, agus ó Chomhordaitheoirí agus Tacadóirí an Chúnaint, a sholáthraíonn cúnamh teicniúil áitiúil agus oiriúnaithe ina gcríocha féin. Baineann sínitheoirí leas freisin as deiseanna líonraithe idirnáisiúnta agus imeachtaí tógála acmhainne.

Faigh amach tuilleadh sa bhróisiúr 10 gCúis le Bheith mar Bhall.

 Geallann sínitheoirí Cúnant – An Eoraip go ndéanfaidh siad plean gníomhaíochta a fhorbairt, a chur i bhfeidhm agus a thuairisciú - laistigh de na spriocdhátaí socraithe, chun a spriocanna a bhaint amach. Go sonrach, geallann sínitheoirí an méid seo a leanas go sonrach a chur isteach:

• Straitéis le fís fhadtéarmach lena n-áirítear spriocanna maolaithe agus spriocanna oiriúnaithe aeráide (laistigh de 2 bhliain tar éis liostú go hoifigiúil i gCúnant na Méaraí – An Eoraip).
• Fardal Astuithe Bunlíne, ag cainníochtú an fhuinnimh a ídítear agus mar sin na hastaíochtaí a astaítear ar chríoch an tsínitheora (laistigh de 2 bhliain).
• Measúnú Riosca Aeráide agus Leochaileachta, trína ndéantar guaiseacha aeráide agus na earnálacha leochaileacha a aithint agus a mheasúnú (laistigh de 2 bhliain).
• Gníomhartha a rinneadh maidir le maolú, oiriúnú agus bochtaineacht fuinnimh.
• Tuarascálacha monatóireachta ar chur i bhfeidhm gníomhartha (gach 2 bhliain) agus ar astaíochtaí (gach 4 bliana).

Cúig bliana ar aghaidh ó Chomhaontú Pháras, leanann Cúnant na Méaraí – An Eoraip de bheith ag méadú a uaillmhéine chun a chinntiú go ndéantar a trí cholún (maolú, oiriúnú agus bochtaineacht fuinnimh) a thiontú go tosaíocht uileghabhálach agus go ndéanfar gníomh uaillmhianach i mbardais.

Go luath in 2021, d’athnuaigh Cúnant na Méaraí – An Eoraip a ghealltanais chun na forbairtí is déanaí ar bheartais an AE a léiriú (go príomha An Comhaontú Glas don Eoraip agus pacáiste Oiriúnach do 55, an Comhshocrú Aeráide Eorpach, the an plean um Sprioc Aeráide 2030  agus an Straitéis an Aontais Eorpaigh um an oiriúnú) agus suíonn sé é féin laistigh den chomhthéacs nua domhanda, trína neartaítear a shuíomh mar an ghluaiseacht d’údaráis áitiúla atá ag treorú ar mhaithe le hathrú.

Iarrann an téacs gealltanais athbhreithnithe ar Mhéaraí agus ar cheannairí áitiúla athnuachan i bpáirt agus go cuimsitheach a dhéanamh ar a) a n-uaillmhianta aeráide,  agus b) a ngníomhartha a mhéadú sa mheántéarma agus san fhadtéarma mar chomhiarracht chun ardú teochta domhanda a choinneáil faoi bhun 1.5℃, ag glacadh leis gurb é an t-athrú aeráide éigeandáil dhomhanda na linne seo.

Is torthaí ar phróiseas leathan comhairliúcháin iad an uaillmhian méadaithe agus na gealltanais athnuaite, a thosaigh i rith an tsamhraidh 2020 le seoladh suirbhé ar líne (féach na príomhthorthaí anseo) agus a lean ar aghaidh trí sheisiúin chomhairliúcháin éagsúla, ina raibh comhpháirtithe náisiúnta agus réigiúnacha ábhartha páirteach. D’fhormhuinigh an Bord polaitiúilagus Coimisinéir Fuinnimh AE Ms. Kadri Simson anDoiciméad Gealltanais Chúnaint a tháinig as i mí Feabhra 2021, agus seoladh go hoifigiúil é ar 21 Aibreán.

• An fhís

Is gluaiseacht méaraí agus ceannairí áitiúla é Cúnant na Méaraí – An Eoraip trína ndéantar a n-uaillmhianacha aeráide a bhrostú gus ina ngealltar gníomhaíocht a sheachadadh ar an luas a éilíonn an eolaíocht, in iarracht chomhpháirteach chun an t-ardú teochta domhanda  a choinneáil faoi bhun 1.5 ℃  –  an uaillmhian is airde i gComhaontú Pháras.                                                                                                                                                        Is é fís an Chúnaint – An Eoraip go mbeidh saoránaigh uile na hEorpa ina gcónaí faoi 2050 i gcathracha aeráidneodracha, dícharbónaithe agus athléimneacha agus rochtain acu ar fhuinneamh inacmhainne, slán agus glan. Iarrann sé aistriú atá cóir, uilechuimsitheach agus measúil dúinn mar shaoránaigh an domhain, agus d’acmhainní ár bpláinéid.

Chun sprioc chomh uaillmhianach sin a bhaint amach, iarrann Cúnant na Méaraí – An Eoraip ar a shínitheoirí go léir a n-uaillmhianta a threisiú agus a n-astaíochtaí GHG a laghdú de 55% ar a laghad faoi 2030 i gcomparáid le leibhéil 1990, i gcomhréir leis an sprioc idirmheánach atá leagtha síos saDlí Aeráide Eorpach . Déanann pacáiste reachtach Oiriúnach do 55 uasghrádú ar an reachtaíocht ábhartha fuinnimh, iompair agus aeráide chun an sprioc nua a bhaint amach ar shlí inchreidte.

Féach “Spriocanna AE” thíos, leis.

Na gealltanais

Chun an fhís seo a chur i gcrích, spreagann an Doiciméad Gealltanais Méaraí agus ceannairí áitiúla chun:

1. Gealltanas a dhéanamh chun spriocanna meántéarmacha agus fadtéarmacha a leagan síos (i gcomhréir le cuspóirí an AE, agus atá ar a laghad chomh huaillmhianach le spriocanna náisiúnta), ar mhaithe le neodracht ó thaobh aeráide a bhaint amach faoi 2050;

2. Dul i dteagmháil le saoránaigh, le gnó agus leis an rialtas ag gach leibhéal chun an fhís seo a chur i bhfeidhm;

3. Gníomhú anois na hullmhúcháin a dhéanamh agus an t-aistriú riachtanach a luathú;

4. Líonrú le comh-Mhéaraí agus ceannairí áitiúla chun inspioráid a fháil óna chéile.

Chun spriocanna Chomhaontú Pháras a chur i bhfeidhm agus neodracht aeráide a bhaint amach, is gá gníomhú ar gach leibhéal. Féadfaidh do ghníomhartha difríocht a dhéanamh, agus trí do ghníomhartha a mhéadú, tá tú mar chuid den athrú. Seo na rudaí breise a dhéanfá:

• Páirt a ghlacadh sa ghluaiseacht cathracha is mó ar domhan atá i gceannas ar athrú

• Cosán níos uaillmhianaí a shocrú, agus gníomhú ar an luas lena dtacaíonn an eolaíocht

• Na creataí beartais AE agus náisiúnta a mhúnlú agus a neartú tuilleadh trína gcuirfear dlús leis an aistriú

• Guth níos láidre a bhaint amach ar an ardán idirnáisiúnta

• Aontú le piaraí, iad a spreagadh agus foghlaim uathu 

Íoslódáil an bróisiúr 10 gcúis le liostú.

Tá Ballstáit, réigiúin agus cathracha AE ag céimeanna éagsúla ina n-aistriú, agus tá a gcuid acmhainní féin ag gach ceann acu chun freagairt do na huaillmhianta atá leagtha amach i gComhaontú Pháras. Sin é an fáth a bhfuil an Cúnant – An Eoraip oscailte do chur chuige idirdhealaithe.

Tá sé de dhualgas ar shínitheoirí an Chúnaint – An Eoraip a gclocha míle idirmheánacha ar an mbóthar go neodracht aeráide a shainiú faoi 2050. Mar sin féin, socróidh cathracha sínitheora spriocanna meántéarmacha agus fadtéarmacha, “atá comhsheasmhach le cuspóirí AE, agus ar a laghad chomh huaillmhianach lenár spriocanna náisiúnta”, mar a dúradh sa leagan deireanach de Doiciméad Gealltanais an Chúnaint.

Spriocanna AE

Rinne an tAontas Eorpach a uaillmhian a athnuachan tríd an Comhaontú Glas don Eoraip a ghlacadh. Laistigh den chreat seo, agus go háirithe laistigh den Dlí Aeráide Eorpach leagtar síos sprioc de laghdú 55% ar a laghad ar astaíochtaí gás ceaptha teasa faoi 2030 i gcomparáid le leibhéil 1990, agus fís fhadtéarmach chun aeráidneodracht a bhaint amach san Eoraip faoi 2050. Tá na cuspóirí seo - mar atá cumhdaithe sa Phlean maidir le Sprioc Aeráide 2030 agus sa Dlí Aeráide Eorpach - le baint amach trí athrú bunathraithe atá ag tarlú i ngach earnáil dár sochaí. Déanann pacáiste Oiriúnach do 55  a tháinig as uasghrádú ar an reachtaíocht ábhartha fuinnimh, iompair agus aeráide chun sprioc meánach 2030 a bhaint amach ar shlí inchreidte. Áiríodh orthu, leis, spriocanna de 36% ar a laghad d’éifeachtúlacht fuinnimh agus 40% d’fhuinneamh inathnuaite.

Spriocanna náisiúnta

Tá spriocanna náisiúnta fós le foilsiú. Déanfar amhlaidh tríd an an Rialachán maidir le Comhroinnt Díchill de phacáiste Oiriúnach do 55.

Spriocanna an Chúnant – An Eoraip

Éilíonn an Cúnant – An Eoraip an uaillmhian is airde is féidir maidir leis na spriocanna meántéarmacha agus fadtéarmacha a leagan síos. Spreagtar sínitheoirí an chúnaint go láidir chun a n-astaíochtaí gás ceaptha teasa a laghdú de 55% ar a laghad faoi 2030 le go mbeidh siad ag teacht le cuspóir AE.

De réir phrionsabail an Chúnaint maidir le cuimsitheacht agus fócas ar ghníomh, is féidir le sínitheoirí a gcuid spriocanna meántéarmacha a choigeartú de réir mar a éilíonn cúinsí áitiúla, tar éis chinneadh ón gcomhairle chathrach. Mar sin féin, a luaithe a scaoilfear na spriocanna náisiúnta in 2022, féachfar orthu mar an gealltanas íosta is féidir; San fhadtéarma, geallann na sínitheoirí neodracht aeráide a bhaint amach faoi 2050, le sprioc íosta laghdaithe GHG de 80%. Déanfar an ceann deiridh a ailíniú leis an sprioc don AE ar fad nuair a bheidh sé ar fáil.

Seachas na spriocanna íosta nua meántéarmacha / fadtéarmacha maidir le laghdú astaíochtaí gás ceaptha teasa, níl aon athrú ar an gcreat modheolaíoch foriomlán ná ar íoscheanglais tuairiscithe an Chúnaint – An Eoraip.

Féadfar an t-ardán tuairiscithe a choigeartú beagán ag deireadh 2021 / tús 2022 d’fhonn na gnéithe nua a tugadh isteach i nDoiciméad Gealltanais an Chúnaintmaidir le  “haeráidneodracht”,“aistriú cóir”, rannpháirtíocht geallsealbhóirí” & “pleananna aeráide áitiúla” a chlúdach ar an tslí is fearr agus raon na gníomhaíochta a mhéadú, leis, más féidir.

I Nollaig 2019, d’fhoilsigh an Coimisiún Eorpach An Comhaontú Glas don Eoraip, arb é straitéis 2030 don fhás inbhuanaithe san Eoraip agus ina leagtar síos fís do 2050. Foráiltear sa straitéis seo le haghaidh athrú ó bhun ar shochaí na hEorpa atá dírithe ar astaíochtaí gás ceaptha teasa a laghdú de 55% ar a laghad in 2030 agus an chéad mhór-roinn aeráidneodrach a dhéanamh den Eoraip in 2050.

Ionas go dtarlóidh a leithéid de bhunathrú, iarrtar ar gach earnáil Eorpach rannchuidiú le hiarrachtaí maolaithe aeráide agus oiriúnaithe chomh maith le dul i ngleic le bochtaineacht fuinnimh – ó fhoirgnimh go hiompar, ó thalmhaíocht go foraoiseacht, agus ó fhuinneamh in-athnuaite go geilleagar ciorclach.

Is iad na huirlisí atá i gceist sa phróiseas seo:

1. An Dlí Aeráide Eorpach, a leagann amach i reachtaíocht AE an cuspóir aeráidneodracht a bhaint amach san Eoraip faoi 2050;

2. An pacáiste Oiriúnach do 55, lena ndéantar foráil maidir le sraith athbhreithnithe ar reachtaíocht AE maidir leis an aeráid, fuinneamh agus iompar d’fhonn dlíthe reatha a ailíniú le huaillmhianta 2030 agus 2050, lena n-áirítear athmhúnlú na Treorach um Éifeachtúlacht Fuinnimh agus na Treorach um Fhuinneamh In-athnuaite;

3. An Comhshocrú Aeráide Eorpach, ar comhaontú sochaíoch é inar féidir le gach duine, eagraíocht agus Pobal páirt a ghlacadh i ngníomh aeráide ar fud na hEorpa;

4. Sásra um Aistriú Cóir, ar uirlis tacaíochta agus meicníocht airgeadais é araon chun a chinntiú go mbeidhl an t-aistriú go haeráidneodracht cóir agus nach bhfágfaidh sé aon duine taobh thiar de;

5. An  tSaoráid Téarnaimh agus Athléimneachta, a bhfuil sé mar aidhm aige tionchar eacnamaíoch agus sóisialta na paindéime coróinvíreas a mhaolú agus geilleagair agus sochaithe Eorpacha a dhéanamh níos inbhuanaithe, níos athléimní agus níos ullmhaithe do dhúshláin agus deiseanna na gclaochluithe glasa agus digiteacha;

6. An Plean REPowerEU, a bhfuil sé mar aidhm aige an tAontas Eorpach a dhéanamh neamhspleách ar bhreosla iontaise agus gás na Rúise roimh 2030.

Gheofar tuilleadh eolais anseo.

Ar an 18 Bealtaine 2022, sheol an Coimisiún Eorpach an Plean RePowerEU  mar fhreagairt ar an gcur isteach ar mhargadh fuinnimh an domhain de bharr ionradh na Rúise ar an Úcráin.

Tá ról ríthábhachtach ag cathracha i mbaint amach chuspóirí RePowerEU. Tá géarghá le bearta éigeandála coigilte fuinnimh a ghlacadh inniu agus pleanáil a dhéanamh le haghaidh laghduithe ar thomhaltas fuinnimh sa ghearrthéarma agus sa mheántéarma.

Chun – tacaíocht agus tiomantas an Chúnaint – An Eoraip a léiriú do chur chun feidhme an phlean, labhair Bord Polaitiúil CoM – An Eoraip le Céad Leas-Uachtarán Feidhmiúcháin an Chomhphobail, Frans Timmermans, togra chun “an Eoraip a chur ar bhonn daingean i dtreo na síochána agus na neodrachta aeráide”, lena n-áirítear 14 mholadh chun tacú tuilleadh leis na naisc a bhfuil géarghá leo idir daoine, cathracha agus pobail [léigh an litir iomlán anseo].

Tá Oifig Chúnant na Méaraí – An Eoraip agus an Coimisiún Eorpach tiomanta go láidir do thacaíocht a thabhairt do chathracha sínitheora agus do chomhaltaí eile an Chúnaint. In éineacht le Coiste Eorpach na Réigiún, sheol siad an 19 Bealtaine 2022 Ráib Coigilte Fuinnimh na gCathracha, feachtas a bhfuil sé mar aidhm aige cathracha a spreagadh chun bearta a ghlacadh a d'fhéadfadh laghdú láithreach a dhéanamh ar a n-ídiú fuinnimh agus ar na costais ghaolmhara agus ag an am céanna dlúthpháirtíocht a léiriú leis an Úcráin

Féadfaidh aon údarás áitiúil Eorpach a bheith ina shínitheoir de Chúnant na Méaraí – An Eoraip, is cuma cén méid é agus is cuma cén chéim de chur i bhfeidhm a bheartais fuinnimh agus aeráide ag a bhfuil sé, fad is a dhéanann comhairle áitiúil tofa nó comhlacht coibhéiseach cinnteoireachta le baill tofa ionadaíocht air.

Tuilleadh eolais.

Is féidir le húdaráis áitiúla a roinneann teorainneacha críochacha liostú i gCúnant na Méaraí – An Eoraip mar ghrúpa sínitheoirí chun comhphlean gníomhaíochta a ullmhú.

Ní gá ach dhá chéim chun liostú sa tionscnamh:

1. Glacann agus síníonn do chomhairle chathrach (nó comhlacht cinnteoireachta coibhéiseach) Doiciméad Gealltanais an Chúnaint

2. Cláraíonntú le d’údarás áitiúil in MyCovenant.

Tar éis do chlárú agus do dhoiciméad uaslódáilte a fhíorú, dearbhaíonn Oifig Chúnant na Méaraí – An Eoraip do rannpháirtíocht. Gheobhaidh tú faisnéis aitheantais chun logáil isteach in MyCovenant tar éis d’iarratas a bheith ceadaithe.

Moltar go láidir duit d’uaillmhian a mhéadú agus do ghealltanais Chúnaint a athnuachan - ar aon dul leis an leagan is déanaí de Dhoiciméad Gealltanais an Chúnaint -  chomh luath agus is féidir leat, de réir do thimthriallta pleanála cathrach féin. Chuige sin,

• Cuir Doiciméad Gealltanais Chúnant na Méaraí – An Eoraip faoi bhráid na comhairle cathrach (nó an chomhlachta coibhéisigh cinnteoireachta) agus iarr ar do Mhéara (nó ionadaí polaitiúil ábhartha eile) é a shíniú.

• Ní gá clárú arís tar éis glacadh oifigiúil a fháil. Níl le déanamh ach dul chuig próifíl do shínitheora ar líne i MyCovenant, do chuid sonraí a nuashonrú, an Doiciméad Gealltanais sínithe a uaslódáil, a shábháil agus cliceáil ar an gcnaipe tiomnaithe ‘athnuaigh’.

Nóta: Más mian leat an cineál aontachais a athrú ó shínitheoir aonair go grúpa sínitheoirí nó a mhalairt, téigh i dteagmháil lenár nDeasc Chabhrach ag info@eumayors.eu

Gheofar tuilleadh eolais do shínitheoirí sa phaca eolais.

Dhearamar cur chuige Chomhphlean Fuinnimh Inbhuanaithe agus Gníomhaíochta Aeráide go sonrach do bhardais bheaga laistigh den limistéar críochach céanna, i.e. chun leanúnachas críochach agus coigilteas riaracháin a chinntiú.

Tá dhá rogha ann chun comhphlean gníomhaíochta a chur i dtoll a chéile:

• Gealltanas ar leithligh – ‘gealltanas aonair chun CO₂ a laghdú’ (Rogha 1): geallann gach sínitheoir sa ghrúpa comhsprioc socraithe a bhaint amach, .i.neodracht charbóin faoi 2050. Ceanglaítear ar gach sínitheoir an plean gníomhaíochta a thuairisciú i bpróifíl aonair ar ardán MyCovenant. Caithfidh gach ball den ghrúpa an plean gníomhaíochta a uaslódáil ar a bpróifíl aonair agus caithfidh gach comhairle cathrach an doiciméad a cheadú.
• Gealltanas le chéile – ‘gealltanas i bpáirt chun CO2 a laghdú (Rogha 2): geallann an grúpa sínitheoirí le chéile chun comhsprioc socraithe, e.g. neodracht ó thaobh carbóin faoi 2050, a bhaint amach. Ceanglaítear ar an ngrúpa plean gníomhaíochta amháin a sholáthar don ghrúpa iomlán ar ardán MyCovenant. Is doiciméad comhchoiteann é an doiciméad plean gníomhaíochta atá le huaslódáil agus mar sin caithfidh baill uile an ghrúpa, is é sin, gach gach comhairle chathrach é a cheadú.

Sa dá chás, moltar go láidir don ‘ghrúpa sínitheoirí’ teagmhálaí a cheapadh a bheidh freagrach as an obair a chomhordú le linn phróiseas forbartha agus feidhmithe an phlean gníomhaíochta. D’fhéadfaí teagmhálaí a cheapadh as baill foirne cheann de na comhairlí cathracha sa ghrúpa nó as an réigiún/cúige atá ag gníomhú mar Chomhordaitheoir oifigiúil an Chúnaint) (féach liosta Comhordaitheoirí an Chúnaint anseo).

• Maidir le grúpaí a thugann gealltanas ar leithligh, glacann agus síníonn gach údarás áitiúil an Cúnant Doiciméad Gealltanais do ghrúpaí a ‘gheallann mar ghrupaí ar leithligh”.

• Maidir le grúpaí a thugann gealltanas le chéile, glacann agus síníonn gach údarás áitiúil an Cúnant Doiciméad Gealltanais do ghrúpaí a ‘gheallann le chéile”.

• Cláraíonn an príomhshínitheoir (an ceann leis an dáta is sine sa doiciméad gealltanais) trí MyCovenant, iarrfar air an grúpa a chruthú trína ainm agus a chineál a roghnú (gealltanas a thabhairt le chéile nó ar leithligh) agus sonraí theagmhálaí an ghrúpa sin a chur leis. Chomh luath agus a cheadaíonn Oifig Chúnant na Méaraí – An Eoraip an clárú, is féidir leis na sínitheoirí eile clárú freisin, ag roghnú an ghrúpa ó roghchlár anuas.

Faigh amach tuilleadh inár ngraifaic faisnéise ar chomhaontachas.

Más mian le do ghrúpa sínitheoirí a ngealltanais Chúnant a athnuachan gan baill na ngrúpaí ná an cineál gealltanais a athrú (i.e. gealltanas ar leithligh nó gealltanas le chéile), lean na céimeanna atá mionsonraithe in.

A luaithe a bhíonn a ghealltanais athnuaite ag sínitheoir sa ghrúpa, nuashonróidh Oifig Chúnant na Méaraí – An Eoraip gealltanais phróifíl an ghrúpa freisin.

Más mian le do ghrúpa sínitheoirí a ngealltanais Chúnant a athnuachan agus má d’athraigh an bhallraíocht, déan teagmháil lenár nDeasc Chabhrach ag info@eumayors.eu.

Is é Coimisiún Eorpach a mhaoiníonn Oifig Chúnant na Méaraí – An Eoraip (CoM – An Eoraip) agus is é an Cúnant atá freagrach as comhordú agus cur i bhfeidhm foriomlán an tionscnaimh. Cabhraíonn Deasc Chabhrach CoM – An Eoraip le Pobal an Chúnaint – An Eoraip le gach gné dá rannpháirtíocht sa tionscnamh - ón bpróiseas clárúcháin go forbairt agus tuairisciú an phlean gníomhaíochta.. Tá CoM-An Eoraip á bhainistiú ag cuibhreannas de líonraí agus de chomhlachais Eorpacha a dhéanann ionadaíocht ar aonáin áitiúla agus réigiúnacha, comhdhéanta de Cathracha Fuinnimh, CEMR, An Comhaontas Domhanda um Athrú Aeráide, Eurocities, FEDARENE agus ICLEI An Eoraip agus an chuideachta TFC Akaryon. Oibríonn CoM-Europe go dlúth le hArd-Stiúrthóireacht um Ghníomhú son na hAeráide agus le hArd-Stiúrthóireacht an Fhuinnimh de chuid an Choimisiúin Eorpaigh agus leis an Airmheán Comhpháirteach Taighde chun an tionscnamh a chur i bhfeidhm.

Is í Oifig Chúnant na Méaraí – An Eoraip an príomh-chomhéadan do Phobal Chúnant na Méaraí – An Eoraip. Is é an ról atá aige:

• Cuidiú le húdaráis áitiúla a bheith páirteach sa tionscnamh tríd an bpróiseas aontachais agus clárúcháin.

• Cumas sínitheoirí a mhéadú trí dhoiciméid, seimineáir ghréasáin agus ceardlanna treoracha.

• Ceisteanna riaracháin agus theicniúla a fhreagairt.

• Tacú le gníomhaíochtaí cumarsáide agus cur chun cinn.

• Comhordaitheoirí Cúnaint agus Tacadóirí an Chúnaint a nascadh le sínitheoirí.

• Teagmháil a dhéanamh leis an Airmheán Comhpháirteach Taighde chun na pleananna gníomhaíochta a mheas..

• Gníomhaíochtaí líonraithe a éascú laistigh de Phobal Chúnant na Méaraí – An Eoraip.

Tacaíonn ár nDeasc Chabhrach le sínitheoirí i ngach céim de phróiseas Chúnant na Méaraí – An Eoraip, ó chlárú agus athnuachan gealltanas go sonraí a ionchur in MyCovenant maidir le pleananna gníomhaíochta agus monatóireacht.  Is féidir leat ríomhphost a chur chuig an Deasc Chabhrach (info@eumayors.eu) ar glaoch air ag +32 2 646 84 24.

Tabhair faoi deara nach soláthraíonn an Deasc Chabhrach réamh-mheastóireacht ar do phlean gníomhaíochta. Déanann Airmheán Comhpháirteach Taighde Taighde an Choimisiúin Eorpaigh anailís ar phleananna gníomhaíochta a chuirtear isteach.

Is féidir teagmháil a dhéanamh le Deasc Chabhrach do shínitheoirí a labhraíonn Iodáilis le ríomhphost chuig info@eumayors.eu nó glaoch ar +39 075 852 04 29.

Is do Chomhordaitheoirí an Chúnaint amháin an Deasc Chabhrach do Chomhordaitheoirí ag coordinators@eumayors.eu.

Is do Thacadóirí an Chúnaint amháin an Deasc Chabhrach do Thacadóirí ag coordinators@eumayors.eu.

Chun freagraí a fháil ar cheisteanna níos sainiúla maidir leis na riachtanais mhodheolaíochta nó na ceisteanna a bhaineann le tuairiscí aiseolais an Airmheáin, tá dhá Dheasc Chabhrach theicniúla bunaithe ag Airmheán Comhpháirteach Taighde an Choimisiúin Eorpaigh:

• cuir ceisteanna maidir le maolú i ríomhphost chuig (jrc-com-technical-helpdesk@ec.europa.eu)

• cuir ceisteanna maidir le hoiriúnú i ríomhphost chuig (jrc-com-adapt@ec.europa.eu).

Socraíonn Beartas Sonraí CoM – An Eoraip na rialacha a chuireann Oifig Chúnant na Méaraí – An Eoraip i bhfeidhm maidir le sonraí údarás agus eagraíochtaí áitiúla agus réigiúnacha, ball de Phobal CoM-An Eoraip a bhailiú, a phróiseáil, a roinnt agus a fhoilsiú.

Gheofar tuilleadh eolais faoin gcaoi a ndéanann CoM – An Eoraip sonraí pearsanta a chosaint agus a bhailiú anseo.

Is údaráis phoiblí iad Comhordaitheoirí an Chúnaint atá in ann treoir straitéiseach, tacaíocht theicniúil agus airgeadais a sholáthar do shínitheoirí Chúnant na Méaraí – An Eoraip ar mian leo a bheith mar chuid den tionscnamh.

• Is údaráis dhíláraithe iad Comhordaitheoirí Críche an Chúnaint, mar réigiúin, cúigí nó grúpaí d’údarás áitiúil.
• Is comhlachtaí náisiúnta poiblí ar nós aireachtaí nó gníomhaireachtaí náisiúnta fuinnimh iad Comhordaitheoirí Náisiúnta an Chúnaint.

Gheofar liosta de Chomhordaitheoirí an Chúnaint anseo.

Tuilleadh eolais.

Aithníonn an Coimisiún Eorpach Comhordaitheoirí an Chúnaint mar chomhghuaillithe tábhachtacha chun tacú le sínitheoirí Chúnant na Méaraí – An Eoraip chun a ngealltanais a chomhlíonadh agus tionchar an tionscnaimh a mhéadú.

I measc ghnáth-thascanna Chomhordaitheoirí an Chúnaint tá:

• Aontachas le Cúnant na Méaraí – An Eoraip a chur chun cinn.

• Cúnamh teicniúil agus straitéiseach a sholáthar do bhardas sínithe chun a bpleananna gníomhaíochta a fhorbairt, a chur i bhfeidhm agus monatóireacht a dhéanamh orthu.

• Tacaíocht airgeadais a sholáthar do shínitheoirí, b’fhéidir i bhfoirm tacaíochta dírí (deontais, fóirdheontais, srl.), agus tacaíocht theicniúil trí acmhainní daonna nó oifigí tiomnaithe a leithdháileadh mar shampla nó fardal astaíochtaí CO2  agus / nó measúnú riosca aeráide a dhéanamh, chomh maith le tacaíocht chun an plean gníomhaíochta á ullmhú agus á chur i bhfeidhm.

• Tacú le comhroinnt taithí agus eolais idir sínitheoirí (reatha agus féideartha).

• Oibriú i gcomhpháirtíocht le Comhordaitheoirí agus Tacadóirí eile Náisiúnta / Críche an Chúnaint chun cuir chuige chomhpháirteacha a chothú.

• Páirt a ghlacadh i ngníomhaíochtaí Chúnant na Méaraí – An Eoraip agus imeachtaí ábhartha a eagrú chun an tionscnamh a chur chun cinn.

• Tuairisciú go rialta do Oifig Chúnant na Méaraí – An Eoraip, agus uair amháin sa bhliain ar a laghad, i dtaobh na ngníomhaíochtaí a dhéantar chun tacú le sínitheoirí agus páirt a ghlacadh i gcur i bhfeidhm straitéiseach an Chúnaint.

I gcás neamhchomhlíonadh na ngealltanas thuasluaite, forchoimeádann Oifig Chúnant na Méaraí – An Eoraip an ceart rannpháirtíocht Chomhordaitheoirí an Chúnaint sa tionscnamh a chur ar fionraí go sealadach.

Is iomaí buntáiste a bhaineann le bheith i do Chomhordaitheoir Cúnaint:

• Formhuiniú agus aitheantas ón gCoimisiún Eorpach.

• Infheictheacht ar scála idirnáisiúnta, go háirithe trína ngníomhartha a chur chun cinn ar shuíomh Gréasáin an Chúnaint – An Eoraip.

• Líonrú, comhroinnt taithí eolais le comhghleacaithe Eorpacha.

• Aiseolas eolaíoch agus teicniúil ar uirlisí agus ar mhodheolaíochtaí a fhorbraítear.

• Rannpháirtíocht i ngrúpaí díospóireachta, ceardlanna agus ardáin tiomnaithe comhroinnte taithí eile.

• Forbairt chríochach a chomhdhlúthú agus rialachas áitiúil agus il-leibhéil a neartú.Mar Chomhordaitheoir den Chúnant, tá rochtain agat ar an limistéar atá cosanta ag pasfhocal in MyCovenant chun faisnéis agus príomhshonraí sonraí a chomhroinnt agus taithí a mhalartú.

Trí MyCovenant, is féidir le Comhordaitheoir:     

• A phróifíl agus próifílí gaolmhara na sínitheoirí a choimeád cothrom le dáta i gcónaí.

• Súil a choinneáil ar dhul chun cinn na sínitheoirí (e.g. plean gníomhaíochta, monatóireacht).

• Síneadh 18 mí ar an spriocdháta do phleananna gníomhaíochta sínitheoirí a iarraidh.

• Síneadh 18 mí a iarraidh ar an spriocdháta do shínitheoirí chun a dtuarascálacha monatóireachta a chur isteach.

• Dea-chleachtais (.i. na príomhghníomhaíochtaí a cuireadh i bhfeidhm) a phoiblí do Phobal an Chúnaint – An Eoraip agus níos faide i gcéin.

• Acmhainní úsáideacha a uaslódáil agus a roinnt sa Choirnéal Comhroinnte Cumais.

• A n-imeachtaí féin a chur chun cinn ar shuíomh Gréasáin an Chúnaint – An Eoraip.

• Líonrú le Pobal an Chúnaint – An Eoraip agus spreagadh a fháil óna gcuid gníomhartha.

Más spéis le d’údarás iarratas a dhéanamh chun bheith ina gComhordaitheoir oifigiúil Cúnaint, lean na céimeanna seo a leanas:

• Líon isteach an fhoirm chláraithe.

• Tar éis d’incháilitheacht a dheimhniú, seolfaidh Deasc Chabhrach na gComhordaitheoirí an ráiteas gealltanais chugat.

• Líon isteach í, iarr ar d’Uachtarán nó ionadaí polaitiúil ardleibhéil ábhartha eile í a shíniú, agus seol ar ais í chuig coordinators@eumayors.eu.

• Nuair a gheofar an ráiteas gealltanais atá líonta isteach agus sínithe go cuí, cruthóidh Oifig Chúnant na Méaraí – An Eoraip próifíl ar líne do d’údarás a chumasóidh duit páirt ghníomhach a ghlacadh i bPobal Chúnant na Méaraí – An Eoraip agus agus cabhrófar leat tacú ar shlí níos fearr le do shínitheoirí gaolmhara

Is féidir ceist ar bith a chur ar Dheasc Chabhrach na gComhordaitheoirí ag coordinators@eumayors.eu.

Féadfaidh sínitheoirí Comhordaitheoir a cheangal lena bpróifíl féin le linn an phróisis chlárúcháin.

Is féidir le sínitheoirí Comhordaitheoirí a chur leis go díreach tríd an ardán, sa rannán Pobail de MyCovenant.

Gheofar tuilleadh eolais do shínitheoirí sa phaca eolais.

Gheofar tuilleadh cúnaimh ónár nDeasc Chabhrach ag info@eumayors.eu más sínitheoirí thú, nó ag coordinators@eumayors.eu más comhordaitheoir thú.

Is éard is Tacadóirí Cúnaint ann gníomhaireachtaí téamacha áitiúla agus réigiúnacha, cumainn d’údaráis áitiúla agus réigiúnacha, líonraí agus eagraíochtaí neamhbhrabúis a bhfuil sé de chumas acu Cúnant na Méaraí – An Eoraip a chur chun cinn agus sínitheoirí a shlógadh agus tacú leo chun cuspóirí Chúnant na Méaraí – An Eoraip a bhaint amach. Baineann siad leas as a ngníomhaíochtaí abhcóideachta, cumarsáide agus líonraithe chun tionscnamh Chúnant na Méaraí – An Eoraip a chur chun cinn agus tacú le gealltanais a gcuid sínitheoirí.

Gheofar liosta de Thacadóirí an Chúnaint anseo.

Tuilleadh eolais

De bhrí go bhfuil siad eolach ar an gcreat rialála, reachtach agus airgeadais faoina bhfeidhmíonn siad, tá deis ar leith ag Tacadóirí an Chúnaint chun comhairle shaincheaptha a sholáthar do shínitheoirí agus sineirge le tionscnaimh eile a aithint. Féadann siad saineolas teicniúil a sholáthar do shínitheoirí an Chúnaint - a Eoraip.

I measc na gcúraimí a bheidh le déanamh ag Tacadóirí Cúnaint tá:

• Tionscnamh Chúnant na Méaraí – An Eoraip a chur chun cinn, agus sínitheoirí reatha agus féideartha a shlógadh.

• Tacaíocht agus comhairle a thabhairt do shínitheoirí Chúnant na Méaraí – An Eoraip.

• Malartuithe a éascú agus eolas, taithí, dea-chleachtais, uirlisí nó acmhainní a bhaineann le sínitheoirí an Chúnaint – An Eoraip a roinnt.

• Oibriú i gcomhpháirtíocht le Cúnant na Méaraí eile - Tacadóirí agus Comhordaitheoirí na hEorpa chun gníomhaíocht chomhpháirteach a chothú agus cur chuige comhordaithe a chur chun cinn

• Páirt a ghlacadh i ngníomhaíochtaí Chúnant na Méaraí – An Eorai

• Tuairisciú go rialta, agus nach lú ná gach dhá bhliain, do Chúnant na Méaraí - Oifig na hEorpa ar na gníomhaíochtaí a dhéantar faoi chuimsiú an tionscnaimh.

I gcás neamhchomhlíonadh na ngealltanas thuasluaite, forchoimeádann Oifig Chúnant na Méaraí – An Eoraip an ceart rannpháirtíocht Thacadóirí an Chúnaint sa tionscnamh a chur ar fionraí go sealadach.

Is iomaí buntáiste a bhaineann le bheith i do Thacadóir Cúnaint:

• Formhuiniú agus aitheantas ón gCoimisiún Eorpach.

• Infheictheacht ar scála idirnáisiúnta, go háirithe trína ngníomhartha a chur chun cinn ar shuíomh Gréasáin an Chúnaint – An Eoraip.

• Líonrú, comhroinnt taithí eolais le comhghleacaithe Eorpacha.

• Rannpháirtíocht i ngrúpaí díospóireachta, ceardlanna agus ardáin tiomnaithe comhroinnte taithí eile.

• An rud deireanach ach ní an rud is lú de, comhdhlúthú ar fhorbairt chríochach agus neartú an rialachais áitiúil.

Mar Thacadóir Cúnaint tá rochtain ag d’eagraíocht ar an ardán cosanta ag pasfhocal i MyCovenant, chun faisnéis agus príomhshonraí a roinnt le Pobal uile an Chúnaint – An Eoraip, agus infheictheacht d’eagraíochta a mhéadú.

Trí MyCovenant, is féidir le Tacadóír:

• A phróifíl a choimeád suas chun dáta i gcónaí.

• Dea-chleachtais (.i. na príomhghníomhaíochtaí a cuireadh i bhfeidhm) a phoiblí do Phobal an Chúnaint – An Eoraip agus níos faide i gcéin.

• Acmhainní úsáideacha a uaslódáil agus a roinnt sa Choirnéal Comhroinnte Cumais.

• A n-imeachtaí féin a chur chun cinn ar shuíomh Gréasáin an Chúnaint – An Eoraip.

• Líonrú le Pobal an Chúnaint – An Eoraip (trí fhóraim, seisiúin ghréasáin, imeachtaí) agus spreagadh a fháil óna gcuid gníomhartha.

Más spéis le d’údarás iarratas a dhéanamh chun bheith ina Thacadóir oifigiúil Cúnaint, lean na céimeanna seo a leanas:

• Líon isteach an fhoirm chláraithe anseo.

• Tar éis d’incháilitheacht a dheimhniú, gheobhaidh tú ráiteas gealltanais.

• Líon isteach í, iarr ar d’Uachtarán nó ionadaí polaitiúil ardleibhéil ábhartha eile í a shíniú, agus seol ar ais í chuig Deasc Chahrach na dTacadóirí (supporters@eumayors.eu).

• Nuair a gheofar an ráiteas gealltanais atá líonta isteach agus sínithe go cuí, cruthóidh Oifig Chúnant na Méaraí – An Eoraip próifíl ar líne do d’údarás a chumasóidh duit páirt ghníomhach a ghlacadh i bPobal Chúnant na Méaraí – An Eoraip agus agus cabhrófar leat tacú ar shlí níos fearr le do shínitheoirí gaolmhara.

Is féidir ceist ar bith a chur ar Dheasc na dTacadóirí ag supporters@eumayors.eu.

Féadfaidh sínitheoirí Tacadóir a cheangal lena bpróifíl féin le linn an phróisis chlárúcháin.

Is féidir le sínitheoirí Tacadóirí a chur leis go díreach tríd an ardán, sa rannán Pobail de MyCovenant.Gheofar tuilleadh cúnaimh ónár nDeasc Chabhrach ag info@eumayors.eu más sínitheoirí thú, nó ag supporters@eumayors.eu más tacadóir thú.

Gheofar tuilleadh eolais do shínitheoirí sa phaca eolais.

Is spás fíorúil príobháideach de chuid Chúnant na Méaraí - Pobal na hEorpa é MyCovenant. Tar éis síniú isteach, féadann Sínitheoirí, Comhordaitheoirí agus Tacadóirí: a gcuid faisnéise teagmhála a nuashonrú chomh maith le rochtain a fháil ar an “gcúinne tuairiscithe” agus ar an “gcúinne roinnte cumais”.

Is é a Chúinne Tuairiscithe an phríomhuirlis do shínitheoirí Chúnant na hEorpa sonraí a bplean gníomhaíochta a thuairisciú agus monatóireacht a dhéanamh air. Tugann sonraí tuairiscithe an deis do shínitheoirí tionchar nithiúil a ngníomhartha agus a n-uaillmhianta aeráide a léiriú. Ceadaíonn creat An Cúnant – An Eoraip do shínitheoirí sonraí a bhailiú agus a anailísiú ar bhealach struchtúrtha agus córasach, agus feidhmíonn sé mar bhonn le haghaidh dea-bhainistíocht aeráide agus fuinnimh chomh maith le dul chun cinn i gcur chun feidhme a rianú. Gheofar tuilleadh eolais ar conas MyCovenant a úsáid do chuspóirí tuairiscithe ag treoirlínte tuairiscithe.

Cuimsíonn MyCovenant Cúinne Comhroinnte Cumais freisin, trínar féidir le sínitheoirí eolas agus taithí a mhalartú ar oiriúnú agus maolú aeráide le Pobal iomlán An Cúnant – An Eoraip.

Ar deireadh, cuimsíonn MyCovenant próifíl na heagraíochta, trínar féidir le Sínitheoirí, Comhordaitheoirí agus Tacadóirí a gcuid faisnéise a roinntear go poiblí ar shuíomh Gréasáin CoM-Europe a mhodhnú.

Athshocraigh do phasfhocal leis an nasc seo a leanas: https://mycovenant.eumayors.eu/user/sign-in/password-reset

Ná seol do phasfhocal pearsanta chuig an Deasc Chabhrach agus ná freagair an teachtaireacht a fhaigheann an t-ardán leis an bhfaisnéis aitheantais. Níor cheart teachtaireachtaí faoi fhaisnéis aitheantais a roinnt leis an Deasc Chabhrach. Má tá amhras ort nó ceist agat, scríobh chuig an Deasc Chabhrach ag:

• info@eumayors.eumás Sínitheoir thú;

• coordinators@eumayors.eu más Comhordaitheoir thú;

• supporters@eumayors.eyu más Tacadóir thú.

Is dócha toisc go bhfuil d’údarás áitiúil cláraithe cheana i MyCovenant. Déan teagmháil leis an Deasc Chabhrach (info@eumayors.eu) chun d’fhaisnéis aitheantais a fháil ar ais, lena n-áirítear ainm d’údaráis áitiúil agus do thíre.

Chun do shíntiús a bhainistiú, téigh isteach in MyCovenant, gabh chuigdo Phróifíl Teagmhála agus déan an síntiús leis an nuachtlitir/na nuachtlitreacha a dhí-roghnú.

Gheofar tuilleadh eolais do shínitheoirí sa phaca eolais.

Tagraíonn na híoscheanglais tuairiscithe do na sonraí éigeantacha ón bplean gníomhaíochta agus do na tuarascálacha monatóireachta nach mór do shínitheoirí a sholáthar trí ardán MyCovenant.

Féach treoirlínte tuairiscithe an Chúnaint chun tuilleadh sonraí a fháíl nó féach ár seisiúin teagaisc ar fhíseán.

Mura bhfuil dóthain acmhainní teicniúla agus airgeadais ag sínitheoir chun a phlean gníomhaíochta a ullmhú, molaimid dóibh teagmháil a dhéanamh le  Comhordaitheoirí nó Tacadóirí Cúnaintina dtír dhúchais.

Chun treoir theicniúil ar an bplean gníomhaíochta a fháil, féach an treoirleabhar do shínitheoirí an Chúnaint atá ceaptha ag Airmheán Comhpháirteach Taighde an Choimisiúin Eorpaigh:

Cuid 1 - Próiseas SECAP, céim ar chéim i dtreo cathracha ísealcharbóin agus athléimneacha ó thaobh aeráide de faoi 2030

Cuid 2 - Fardal Astuithe Bunlíne (BEI) agus Measúnú Riosca agus Leochailteachta (RVA)

Cuid 3 – Beartais, príomhghníomhaíochtaí, dea-chleachtais chun an t-athrú aeráide a mhaolú agus oiriúnú dó, agus SECAP(s) a Mhaoiniú

Tá roinnt uirlisí tacaíochta forbartha, freisin, ag Oifig Chúnant na Méaraí – An Eoraip mar shampla ranganna teagaisc físeán, treoirlínte maidir le tuairisciú, pacáistí faisnéise, srl.

Tá rannán tiomnaithe de shuíomh Gréasáin Chúnant na Méaraí – An Eoraip agus an t-ardán MyCovenant tiomnaithe do na huirlisí tacaíochtaseo.

Tá go leor foinsí maoinithe ar fáil ag leibhéil áitiúla, réigiúnacha agus Eorpacha, lena n-áirítear acmhainní na n-údarás áitiúil féin, acmhainní na gcomhpháirtithe áitiúla, comhpháirtíochtaí poiblí-príobháideacha, fóirdheontais bhardasacha, réigiúnacha agus náisiúnta. Chun tuilleadh a fháil amach faoi dheiseanna maoinithe Eorpacha, oscail leathanach deiseanna maoinithe ár suímh ghréasáin.

Go sonrach, tá gealltanas tugtha ag an gCoimisiún Eorpach go slógfar acmhainní airgeadais trí chláir ar leith chomh maith le tacaíocht pholaitiúil ar leibhéal Eorpach.

Is féidir, má chomhlíonann na straitéisí, na beartais agus na pleananna atá ann cheana na híoscheanglais a leagtar síos i gcomhthéacs Chúnant na Méaraí – An Eoraip.

Caithfidh siad gealltanais an tsínitheora a áireamh agus a bheith ar aon dul le spriocanna agus riachtanais Chúnant na Méaraí – An Eoraip: i.e. tacú leis an AE chun neodracht ó thaobh carbóin a bhaint amach faoi 2050 agus a bheith chomh hard ar a laghad lena spriocanna náisiúnta féin.

Ba cheart go n-áireofaí sna pleananna spriocanna agus gníomhartha chun astaíochtaí gás ceaptha teasa a laghdú sa chríoch ar leith, athléimneacht a mhéadú agus ullmhú le haghaidh drochthionchar an athraithe aeráide agus dul i ngleic le bochtaineacht fuinnimh chun aistriú cóir i dtreo neodracht ó thaobh aeráide a chinntiú. Glactar le tiomsú roinnt doiciméad, leis. Bheadh ​​ar an sínitheoir tacar íosta sonraí a thuairisciú i gcónaí i MyCovenant.

Gheofar tuilleadh eolais ar cad iad na sonraí a theastaíonn i dtreoirlínte tuairiscithe an Chúnaint.

Féach an Treoirleabhar 'Conas Plean Gníomhaíochta um Fhuinneamh Inbhuanaithe agus Gníomhú maidir leis an Aeráid a chur i dtoll a chéile (SECAP)'.

Cuid 1 - Próiseas SECAP, céim ar chéim i dtreo cathracha ísealcharbóin agus athléimneacha ó thaobh aeráide de faoi 2030

Part 2 - Baseline Emission Inventory (BEI) and Risk and Vulnerability Assessment (RVA)

Cuid 3 – Beartais, príomhghníomhaíochtaí, dea-chleachtais chun an t-athrú aeráide a mhaolú agus oiriúnú dó, agus SECAP(s) a Mhaoiniú

Ba chóir duit do phlean gníomhaíochta a chur isteach ar líne tríd an ardán tuairiscithe MyCovenant. Chomh maith le doiciméad an phlean gníomhaíochta féin, iarraimid ort tacar íosta faisnéise a thuairisciú i mBéarla i MyCovenant.

Ionas go mbeidh an taisceadh bailí, caithfear gach réimse éigeantach i MyCovenant a líonadh isteach (léirithe i ndath uaine san ardán) agus ba cheart doiciméad plean gníomhaíochta amháin ar a laghad (e.g. plean gníomhaíochta maolaithe / plean gníomhaíochta oiriúnaithe / plean gníomhaíochta maolaithe agus oiriúnaithe comhtháite) a uaslódáil. Ní mór don chomhairle chathrach nó comhlacht cinnteoireachta coibhéiseach an plean seo a cheadú. Mír roghnach is ea é doiciméis bhreise a uaslódáil. Ba chóir gach doiciméad a íoslódáil i bhformáid PDF, sa teanga náisiúnta, mura bhfuil aistriúchán Béarla ar fáil. Anuas air sin, is féidir rogha a dhéanamh na doiciméid seo a chur ar fáil don phobal.

Má bhíonn fadhb agat fad a bhíonn do phlean á thaisceadh agat, seol ríomhphost chuig ár nDeasc Chabhrach ag info@eumayors.eu.

Gheofar tuilleadh eolais ar na próisis tuairiscithe agus taiscthe i dtreoirlínte tuairiscithe an Chúnaint.

Sa Choirnéal Tuairiscithe, léiríonn roghchlár an teimpléid Tuairiscithe stádas críochnaithe gach rannáin tuairiscithe agus na táscairí seo a leanas á n-úsáid: iomlán, neamhiomlán agus neamhbhainteach. Má bhraitheann an córas codanna neamhiomlána, taispeánann sé fógraí earráide ag bun gach rannáin. Déan athbhreithniú cúramach ar an bhfaisnéis tuairiscithe de réir threoirlínte tuairiscithe an Chúnaint, comhlánaigh an teimpléad ar líne, sábháil an fhaisnéis uile agus cliceáil ar “submit”.

Má mhaireann an fhadhb, déan teagmháil lenár nDeasc Chabhrach ag info@eumayors.eu.

Ní féidir an plean gníomhaíochta a chur isteach ach trí MyCovenant. Tá  comhad MS Excel ar fáil as líne agus is féidir é a úsáid mar dhoiciméad oibre amháin, má thograíonn tú.  Sa chás seo, ba cheart duit na sonraí agus an fhaisnéis atá sa chomhad seo a aistriú chuig na rannáin ar líne den Choirnéal Tuairiscithe chun do phlean gníomhaíochta a chur isteach.

Léirítear gealltanas na sínitheoirí do Chúnant na Méaraí – An Eoraip nuair a chuirtear plean gníomhaíochta isteach dhá bhliain tar éis an chinnidh pholaitiúil liostú sa tionscnamh. 

Sa chás nach gcuirtear an plean gníomhaíochta isteach, cuirfear dath liath ar phróifíl an tsíitheora agus cuirfear rannpháirtíocht an  tsínitheora sa tionscnamh ar fionraí go dtí go gcuirfear an plean gníomhaíochta isteach. 

Féadfaidh tú síneadh suas le 9 mí a iarraidh ar do spriocdháta.

Chun síneadh ar an spriocdháta a iarraidh, líon isteach an iarraidh ar mhoill ar líne sa rannán MyCovenant– M’Fhorbhreathnú. Deimhneofar i dteachtaireacht aníos gur taisceadh an iarraidh.Is gnách an t-iarratas a cheadú láithreach, ní bheidh le déanamh ach an leathanach a athnuachan.

Gheofar tuilleadh eolais do shínitheoirí sa phaca eolais.

Is féidir síneadh 18 mí a dheonú do shínitheoirí a fhaigheann tacaíocht ó Chomhordaitheoir Críochach an Chúnaint (CTC). Sa chás sin, is é Comhordaitheoir an Chúnaint a iarrfaidh síneadh ar an sínitheoir trína phróifíl in MyCovenant – MyCovenant Community section.

Mura bhfuil an fheidhm iarratais ar mhoill ar líne ar fáil, tá síneadh iarrtha ag an sínitheoir nó ag an gcomhordaitheoir cheana féin agus ní féidir síneadh breise a iarraidh.

Le haghaidh tuilleadh faisnéise nó cúnaimh, déan teagmháil le do thoil leis an Deasc Chabhrach ag info@eumayors.eu.

Má tá d’údarás áitiúil curtha ar fionraí mar gheall ar mhainneachtain an plean gníomhaíochta / fardal faireacháin astaíochtaí (MEI) a chur isteach laistigh den spriocdháta, is gá teimpléid ghaolmhara a chur isteach chun deireadh a chur leis an bhfionraí.

Má tá Comhordaitheoir Cúnaint ag comhordú pleananna gníomhaíochta a shínitheoirí gaolmhara, féadfaidh Airmheán Comhpháirteach Taighde an Choimisiúin Eorpaigh (JRC) anailís ghrúpáilte a dhéanamh chun aiseolas níos tapúla a sholáthar. Má tá cur chuige coiteann forbartha ag do chúige/réigiún chun cabhrú le sínitheoirí lena bpleananna gníomhaíochta, tugaimid cuireadh duit dul i dteagmháil le CoM – Deasc Chabhrach na hEorpa ag coordinators@eumayors.eu.

Féach ár Treoir Mearthagartha ar anailís ghrúpáilte SECAP.

Iarrtar ar shínitheoirí Chúnant na Méaraí – An Eoraip a chuir SECAP isteach cheana féin le spriocanna 40% agus a bhfuil athnuachan déanta acu ar a ngealltanais do spriocanna níos airde, an plean gníomhaíochta a choigeartú nó a chur isteach arís laistigh de 2 bhliain ó athnuachan an ghealltanais.

Is faoin sínitheoir atá sé a chinneadh cé acu is leor an plean reatha a nuashonrú nó ar cheart plean gníomhaíochta nua a fhorbairt chun a (ath)sprioc(anna) a bhaint amach. Fanfaidh creat an Chúnaint – An Eoraip solúbtha go leor le bheith inchoigeartaithe don chomhthéacs áitiúil agus do nósanna imeachta bardasach.

Díríonn an Fardal Astuithe Bunlíne ar na hearnálacha gníomhaíochta atá faoi thionchar díreach an údaráis áitiúil chun an méid GCT a astaítear mar gheall ar ídiú fuinnimh a chainníochtú. Níl an fardal ceaptha a bheith uileghabhálach. Díríonn sé go príomha ar na hastaíochtaí ó thomhaltas deiridh fuinnimh i bpríomhearnálacha gníomhaíochta an Chúnaint – An Eoraip. Léiríonn an bunlíne na hastaíochtaí sa bhliain bhunlíne (an bhliain tagartha chun do sprioc a shocrú agus do phlean a fhorbairt) chun na gníomhartha is gá chun an sprioc laghdaithe astaíochtaí a bhaint amach a shainaithint.

Feidhmíonn an Fardal Astuithe Bunlíne, mar aon leis an Measúnú Riosca agus Leochaileachta, mar phointe tosaigh d’fhorbairt an phlean gníomhaíochta.

Le faisnéis mhionsonraithe a fháil ar an gcaoi le Fardal Astuithe Bunlíne a fhorbairt, féach Cuid 2 de threoirleabhar SECAP ‘Cuid II - Fardal Astuithe Bunlíne’.

Le treoir a fháil maidir le conas an rannán maidir le Fardal Astuithe Bunlíne i MoChúnant a chomhlánú, féach le do thoil dár dtreoirlínte Tuairiscithe in MyCovenant, féach ár dtreoirlínte tuairiscithe

Is í an bhliain bhunnlíne an bhliain a ndéantar comparáid idir í agus an an sprioc laghdaithe astuithe. Iarraimid ar shínitheoirí ar mhaith leo a laghdú astuithe a chur i gcomparáid le sprioc an AE 1990 a ghlacadh mar bhliain bhunlíne.  Mar sin féin, mar gheall ar a dheacra atá sé sonraí iontaofa a fháil, tá sínitheoirí in ann an bhliain ina dhiaidh sin is gaire a roghnú a bhfuil sonraí cuimsitheacha iontaofa ann ina leith. Más féidir, níor cheart go mbeadh an bhliain bhuonnlíne seo níos déanaí ná 2005, is í sin an bhliain is coitianta a úsáideann sínitheoirí.

Gheobhaidh tú na blianta bunlíne ar ghlac sínitheoirí an Chúnaint leoanseo.

Is féidir, is féidir le sínitheoirí a ghlacann páirt i ngrúpa “Tiomantas go leithleach” fardail astaíochtaí bonnlíne éagsúla a bheith acu, i.e. blianta bonnlíne éagsúla.

Is iad príomhearnálacha maolaithe an Chúnaint:

1. Foirgnimh, trealamh/áiseanna cathrach;

2. Foirgnimh, trealamh/áiseanna treasacha (neamhchathrach).

3. Foirgnimh chónaithe

4. Iompar.

Ba cheart do shínitheoir sonraí a thuairisciú maidir le trí cinn ar a laghad as na ceithre phríomhearnáil seo san Fhardal Astuithe Bunlíne. Is féidir sonraí le haghaidh earnálacha breise a thuairisciú go roghnach.

Chun a bhFardal Astuithe Bunlíne  a ullmhú, is féidir le sínitheoirí tacaíocht a fháil agus sonraí ábhartha a fháil ó Fhaireachlanna Astaíochtaí Réigiúnacha nó óna n-údaráis náisiúnta. Féadfaidh siad sonraí a bhailiú freisin trí úsáid a bhaint as cur chuige ón mbun aníos lena n-áirítear sonraí ó bhillí fuinnimh, ag síneadh amach chuig soláthraithe fuinnimh, agus trí shuirbhéanna a dhéanamh atá dírithe ar áitritheoirí agus gnólachtaí, agus an méid breosla a dhíoltar don earnáil iompair a ríomh. Is féidir le sínitheoirí teagmháil a dhéanamh freisin le Comhordaitheoirí Cúnaint agus Gníomhaireachtaí Fuinnimh Áitiúla agus Réigiúnacha a bhailíonn sonraí úsáideacha le haghaidh na bhfardail astuithe áitiúla.

Is féidir tuilleadh sonraí a fháil faoi conas sonraí a bhailiú in Cuid 2 - Fardal Astuithe Bunlíne (BEI) agus Measúnú Riosca agus Leochaileachta (RVA).

Cinneann Measúnú Riosca agus Leochaileachta (RVA) nádúr agus méid an riosca trí anailís a dhéanamh ar ghuaiseacha féideartha agus measúnú a dhéanamh ar leochaileacht a d’fhéadfadh bagairt nó dochar a dhéanamh do dhaoine, do mhaoin, do shlite beatha agus don chomhshaol ar a mbraitheann siad. 

Feidhmíonn an Measúnú Riosca agus Leochaileachta, mar aon leis an bhFardal Bunlíne Astuithe, mar phointe tosaigh d’fhorbairt an phlean gníomhaíochta. Is cuid lárnach é de do phlean gníomhaíochta in MyCovenant. Ní mór é a chur isteach ag an gcéim chéanna leis an bplean gníomhaíochta (i.e. laistigh de 2 bhliain tar éis liostú sa tionscnamh), agus déanfar faisnéis nuashonraithe a thuairisciú ag an gcéim monatóireachta (i.e. ag baint úsáide as an teimpléad monatóireachta in MyCovenant).

Díríonn an RVA i gcreat an Chúnaint-An Eoraip ar na guaiseacha aeráide agus na hearnálacha leochaileacha is ábhartha a aithint agus a mheas. De rogha air sin, d’fhéadfaí acmhainn oiriúnaitheach agus grúpaí daonra leochaileacha a aithint agus a mheas san anailís seo.

Gheofar sna Treoirlínte tuairiscithe treoir ar an tslí leis an Measúnú Riosca agus Leochaileachta a líonadh isteach in MyCovenant.

Ba cheart duit earnáil amháin ar a laghad a roghnú in aghaidh gach guaise aeráide a shainaithnítear.

Is iad na hearnálacha réamhshainithe laistigh de MyCovenant ná foirgnimh, iompar, fuinneamh, uisce, dramhaíl, úsáid talún, talmhaíocht, bithéagsúlacht, sláinte, cosaint shibhialta, turasóireacht, oideachas, TFC.

Gheofar sainmhíniú ar gach earnáil in Iarscríbhinn V de Threoirlínte tuairiscithe an Chúnaint.

Soláthraíonn an Uirlis Tacaíochta um Oiriúnú Uirbeach arna forbairt ag an nGníomhaireacht Eorpach Chomhshaoil ​​agus ag Oifig Chúnant na Méaraí – An Eoraip treoir d’údaráis áitiúla maidir leis an timthriall oiriúnaithe iomlán, lena n-áirítear rioscaí agus leochaileachtaí a mheasúnú. Áiríonn sé tagairtí d’acmhainní úsáideacha, amhail tuarascálacha, uirlisí, cás-staidéir.

Gheobhaidh tú an Uirlis Tacaíochta um Oiriúnú Uirbeach anseo.

Cuidíonn an Measúnú Bochtaineachta Fuinnimh le staid na bochtaineachta fuinnimh i d’údarás áitiúil a shainiú. Is cuid lárnach de do phlean gníomhaíochta in MyCovenant é, mar aon leis an bhFardal Astaíochtaí agus an Measúnú Riosca agus Leochaileachta. Tugann an Measúnú Bochtaineachta Fuinnimh rogha as táscairí éagsúla i roinnt macréimsí: aeráid, saoráidí/tithíocht, soghluaisteacht, gnéithe socheacnamaíocha, creat beartais agus rialála, rannpháirtíocht/ardú feasachta. Is féidir gach táscaire a shainiú tuilleadh trí bhonnbhliain agus leibhéal reatha a roghnú, ag leibhéal an teaghlaigh nó an duine. Tá cead ag sínitheoirí a oiread táscairí agus is mian leo a roghnú agus iad a úsáid chun monatóireacht a dhéanamh ar dhul chun cinn.

Ní mór an Measúnú ar Bochtaineacht Fuinnimh a chur isteach ag an gcéim chéanna leis an bplean gníomhaíochta (i.e. laistigh de 2 bhliain ó liostú sa tionscnamh), agus déanfar faisnéis nuashonraithe a thuairisciú ag an gcéim monatóireachta (i.e. ag baint úsáid as an teimpléad faireacháin in MyCovenant).

Toisc gur seoladh colún bochtaineachta fuinnimh an Chúnaint go luath in 2022, beidh feidhm ag idirthréimhse go dtí deireadh na bliana 2024. Le linn na hidirthréimhse tá tuairisciú ar bhochtaineacht fuinnimh in MyCovenant roghnach fós, ach moltar go láídir do shínitheoirí tús a chur lena measúnú agus lena bpleanáil ar bhochtaineacht fuinnimh. 

Le treoir a fháil ar conas an Measúnú Bochtaineachta Fuinnimh in MyCovenant a chomhlánú, féach le do thoil treoirlínte tuairiscithe an Chúnaint.

Soláthraíonn an Mol Comhairleach um Bochtaineacht Fuinnimh, mar phríomhthionscnamh AE ar bhochtaineacht fuinnimh, eolas fairsing agus tógáil acmhainne ar bhochtaineacht fuinnimh agus is féidir leis an Deasc Chabhrach a bheith ina chuidiú le haon cheisteanna ar an ábhar. 

Is bunachar sonraí oscailte é Tairseach Sonraí Oscailte AE arna bhainistiú ag Airmheán Comhpháirteach Taighde an Choimisiúin Eorpaigh, lena n-áirítear roinnt acmhainní agus sonraí arna bhforbairt ag institiúidí AE.

Tá na sonraí atá ar fáil ar an tairseach saor in aisce agus gan aon srian cóipchirt.

Déantar na sonraí a fhoilsítear ar an tairseach a nuashonrú go leanúnach a bhuíochas d’iarrachtaí na n-institiúidí agus na gcomhlachtaí AE lena mbaineann.

Go háirithe, óstálann an tairseach tacair shonraí tiomnaithe ar fhuinneamh agus ar an gcomhshaol ar féidir leo cabhrú le sínitheoirí an Chúnaint – An Eoraip sonraí úsáideacha a bhailiú chun a gcuid SECAPanna a fhorbairt. Tá bailiúchán CoM ar leith tiomnaithe do thionscnamh CoM, lena n-áirítear sonraí ar astaíochtaí GCT agus beartais mhaolaithe ag an leibhéal áitiúil.

Le “Tiomantas ar leithligh – tiomantas aonair laghdaithe CO2”, geallann gach sínitheoir den ghrúpa ina aonar comhsprioc socraithe a bhaint amach. Iarrtar ar gach ball den ghrúpa an plean gníomhaíochta a chríochnú agus é a thuairisciú trí Mo Chúnant. 

Féadfaidh bearta aonair agus comhbhearta araon a bheith i gcomhphleananna gníomhaíochta in “Tiomantas ar leithligh”. Roinntear na tionchair ar choigilteas fuinnimh, ar tháirgeadh fuinnimh in-athnuaite agus ar laghdú astaíochtaí CO2 a fhreagraíonn do na comhbhearta ar gach bardas a ghlacann gníomhaíochtaí comhroinnte ina dteimpléid plean gníomhaíochta aonair.

Le “Tiomantas comhchoiteann – comhthiomantas laghdaithe CO2”, geallann an grúpa sínitheoirí le chéile sprioc atá leagtha síos a bhaint amach. Is gá mar sin plean gníomhaíochta amháin a chríochnú agus a chur isteach don ghrúpa iomlán i bpróifíl an ghrúpa deiridh. Bíonn doiciméad an phlean gníomhaíochta atá le huaslódáil in MyCovenant i bpáirt ag gach sínitheoir sa ghrúpa. Ní mór ainmneacha na n-údarás áitiúil a léiriú go soiléir sa doiciméad agus caithfidh gach comhairle cathrach é a fhormheas.

Sa chás seo, roinntear an sprioc laghdaithe astaíochtaí idir baill an ghrúpa. Féadfaidh gníomhaíochtaí aonair agus comhroinnte araon a bheith sa phlean gníomhaíochta, agus ba cheart gníomh comhroinnte amháin ar a laghad a chur san áireamh.

Ní mór ainmneacha gach údaráis áitiúil chomh maith lena rannchuidiú leis an bplean a léiriú go soiléir i ndoiciméad an phlean gníomhaíochta.

Féach ár Treoir Mearthagartha ar Chomhphleananna Gníomhaíochta chun tuilleadh eolais a fháil

Is cuid ríthábhachtach d’aon phróiseas pleanála é an mhonatóireacht. Tá sé mar aidhm aige an dul chun cinn atá bainte amach ag an sínitheoir a bhailiú agus a thuairisciú de réir a spriocanna maolaithe agus oiriúnaithe agus bearta ceartaitheacha a phleanáil más gá.

Déanann sínitheoirí An Chúnaint – An Eoraip monatóireacht rialta

ar a bplean gníomhaíochta trí na nithe seo a leanas a chur isteach:

• gach dara bliain tar éis a bplean gníomhaíochta a chur isteach, tuairisc monatóireachta ar stádas cur chun feidhme a gcuid gníomhaíochtaí (monatóireacht éadrom)

• agus, gach ceithre bliana ar a laghad, Fardal Monatóireachta Astuithe (MEI). Tá sé ríthábhachtach fardail thagartha astaíochtaí a mhionsaothrú toisc gur ionstraimí iad chun tionchair an phlean gníomhaíochta a thomhas.

Molaimid do shínitheoirí tuairiscí monatóireachta a uaslódáil tar éis tréimhsí níos lú, mar shampla gach bliain, má tá sonraí ar fáil Tabhair faoi deara, sa chéad tuarascáil monatóireachta (2 bhliain tar éis an plean gníomhaíochta a chur isteach), gur gá ar a laghad 3 phríomhghníomh oiriúnaithe agus 1 ghníomh bochtaineachta fuinnimh a léiriú.

Tá an deis agat doiciméid tacaíochta a uaslódáil. Mar sin féin, ba cheart duit an fhaisnéis ábhartha atá sna doiciméid seo a thuairisciú ar bhealach beacht in MyCovenant. Féach ár Treoir Mearthagartha ar Mhonatóireacht ar Chur Chun Feidhme an Phlean Gníomhaíochta.

Gheofar tuilleadh eolais i dtreoirlínte Tuairiscithe an Chúnaint.

Tar éis logáil isteach in MyCovenant, gabh chuig an gCoirnéal Tuairiscithe. Cuir isteach ceann amháin de na 3 phríomhchuid, Mo Straitéis (an chéad chuid), más féidir, agus roghnaigh ró theimpléad na Tuairisce Monatóireachta sa liosta Teimpléid Tuairiscithe (léiríonn cúlra gorm na rónna go bhfuil an ró roghnaithe i gceart agus go bhfuil sí gníomhach anois).

Is gá ábhar na 3 phríomhchuid a chomhlánú agus, más infheidhme, a choigeartú (tá réimsí glasa éigeantach). Cliceáil ar “submit” chun do theimpléad monatóireachta a chur isteach go hoifigiúil. Ceadófar earráidí a bhrath trí réamhchóras seiceála ar an teimpléad.

Tabhair faoi deara go bhfuil réimsí breise faisnéise i dteimpléad na tuarascála monatóireachta i gcomparáid le teimpléad an phlean ghníomhaíochta. Féach Treoirlínte tuairiscithean Chúnaint chun tuilleadh a fhoghlaim.

Ní bheidh tú in ann tuarascáil monatóireachta a chur isteach gan plean gníomhaíochta a bheith curtha isteach agat ar dtús.

Is é Searmanas Chúnant na Méaraí – An Eoraip ócáid ​​pholaitiúil is mó a thugann Pobal  an Chúnaint – An Eoraip le chéile. Ó seoladh an tionscnamh in 2009, tá na céadta cathracha de gach méid, méaraí, ceannairí áitiúla, comhordaitheoirí agus lucht tacaíochta tugtha le chéile ag Searmanais an Chúnaint chun éachtaí na rialtas áitiúil a cheiliúradh agus féachaint ar thodhchaí na haeráide agus an aistrithe aeráide.

Go traidisiúnta is é Uachtarán Pharlaimint na hEorpa a óstálann an ócáid, agus tháinig na Coimisinéirí Eorpacha, Feisirí Eorpacha, ionadaithe ó Choiste na Réigiún agus institiúidí eile le chéile don imeacht ardleibhéil seo.

Gheofar tuilleadh eolais ar ár leathanach imeachtaí nó scríobh chuig ár nDeasc Chabhrach imeachtaí ag events@eumayors.eu.

Soláthraíonn Oifig an Chúnaint – An Eoraip deiseanna piarfhoghlama de chineálacha éagsúla don Chomhphobal Eorpach trí: 

• Gníomhaíochtaí forbartha acmhainní ar líne agus as líne ar an leibhéal Eorpach agus náisiúnta araon. Tugann na ceardlanna agus na seimineáir seo deiseanna chun foghlaim ó chomhghleacaithe, spreagadh a fháil ó ghníomhartha rathúla, agus ransú smaointe a dhéanamh ar réitigh ar dhúshláin choiteanna;

• Acmhainní ar líne agus foilseacháin ina bhfaighfear an fhaisnéis ábhartha is déanaí chun tacú le cathracha, lena n-áirítear deiseanna maoinithe;

• Éascú a dhéanamh ar aistriú eolais agus baint amach spriocanna an Chúnaint – An Eoraip ag an leibhéal áitiúil trí shraith de mhalartuithe piarfhoghlama le cathracha agus réigiúin eile (clár piarfhoghlama an Chúnaint – An Eoraip).

Is é Cúnant Domhanda na Méaraí don Aeráid agus don Fhuinneamh an comhaontas is mó ar domhan do cheannaireacht aeráide na gcathracha, bunaithe ar rathúlacht iontach Chúnant na Méaraí – An Eoraip agus Comhshocrú na Méaraí – an dá phríomhthionscnamh ar domhan de chathracha agus rialtais áitiúla um ghníomhú ar son na haeráide i 2017. Tugann Cúnant Domhanda na Méaraí an dá thionscnamh seo le chéile go foirmiúil chun aistriú ar leibhéal na cathrach go geilleagar astaíochtaí ísle agus atá athléimneach ó thaobh aeráide de a chur chun cinn, agus chun tionchar domhanda na gníomhaíochta áitiúla a léiriú.

Tá sínitheoirí Chúnant na Méaraí – An Eoraip mar chuid anois de Chúnant Domhanda na Méaraí.

Tá Cúnant Domhanda na Méaraí á bhainistiú ag Rúnaíocht thiomanta a thacaíonn le líonrú cathracha ar fud an domhain maidir leis an aeráid agus leis an bhfuinneamh.

Gheofar tuilleadh faisnéise ar Chúnant Domhanda na Méaraí anseo.

Aithníonn Cúnant Domhanda na Méaraí dhá ardán oifigiúil chun tuairisciú a dhéanamh ar bhearta aeráide agus fuinnimh: Ardán MyCovenant agus Rian CDP-ICLEI.

Cé go bhfuil an dá chóras tuairiscithe oiriúnaithe go hiomlán do chathracha sínithe Eorpacha chun tuairisc a thabhairt ar a ngealltanais maidir le gníomhú ar son na haeráide, tá roinnt difríochtaí idir na hardáin sin. Spreagtar cathracha a bhí ag tuairisciú trí cheachtar den dá chóras roimh 2020 leanúint ar aghaidh ag úsáid an chórais sin.

Foghlaim tuilleadh faoi na difríochtaí idir MyCovenant agus an Rian CDP-ICLEI sa treoir seo.

Tugann an Feachtas Rás go Nialas aghaidh ar údaráis áitiúla, gnólachtaí, ollscoileanna agus infheisteoirí agus é mar aidhm aige gníomhú eolaíochtbhunaithe ar son na haeráide a bhrostú chun glan-astaíochtaí carbóin a bhaint amach faoi 2040, nó faoi 2050 ar a dhéanaí. Tá sé deartha go háirithe chun cabhrú le cathracha critéir an Rása a chomhlíonadh agus teacht ar an saineolas is fearr atá ar fáil feadh na slí.

Léigh tuilleadh faoin bhFeachtas Rás go Nialas agus a nasc le Cúnant na Méaraí – An Eoraip anseo.